कार्यप्रकार
महामंडळाचा कार्यप्रकार (Work Type Overview)
- विदर्भ पाटबंधारे विकास महामंडळाची स्थापना दिनांक 28 एप्रिल 1997 रोजी झालेली असून महामंडळाचे कार्यक्षेत्र विदर्भातील गोदावरी, तापी व महानदी खो-यातील नागपूर महसूल क्षेत्रातील वर्धा, नागपूर, भंडारा, गोंदिया, चंद्रपूर व गडचिरोली तसेच अमरावती महसूल क्षेत्रातील अमरावती, यवतमाळ,अकोला, वाशिम व बुलडाणा या 11 जिल्ह्यात येते.
- विदर्भातील गोदावरी, तापी व महानदी खो-यातील सर्व बांधकामाधीन पाटबंधारे प्रकल्पांचे सर्वेक्षण, संकल्पन व बांधकाम करणे, बांधकाम पूर्ण झालेले प्रकल्प व्यवस्थापन विभागास वर्ग करून त्यांचे देखभाल, दुरूस्ती व व्यवस्थापन करणे, सिंचन-बिगर सिंचन पाणीपट्टीची वसूली करणे आदी सर्व कामे महामंडळ नियमित पणे करीत आहे.
- गोसीखुर्द प्रकल्पाच्या पाणी पसा-यातून पावसाळयात वैंनगंगा नदीतील वाहून जाणाऱ्या 1772 दलघमी पाण्याची उचल करून विदर्भातील अवर्षण प्रवण क्षेत्रास उपलब्ध करून देण्याकरीता वैनगंगा-नळगंगा नदीजोड या महत्वाकांक्षी योजनेस प्रशासकीय मान्यता प्रदान करण्यात आली आहे. सर्वेक्षण व अन्वेषण व संकल्पना संदर्भातील काम लवकरच सुरू होणार आहे.
- स्वातंत्र्य पूर्व काळात पूर्व विदर्भात बांधण्यात आलेल्या माजी मालगुजारी तलावांपैकी 132 तलाव, महामंडळाकडे असून त्यांचे देखभाल, दुरूस्ती व व्यवस्थापन ही सर्व कामे महामंडळ नियमित पणे करत आहे.